ARTEFICIAL 2016

16 octubre, 2015

cartel arteficial

O Festival Arteficial completa o seu cartel e presenta as 11 bandas que actuarán durante o décimo aniversario da existencia do seu festival, o día 3 de setembro.

O X Festival Arteficial repetirá o seu formato de festival alternativo diurno e totalmente gratuito, xa consolidado como un dos referentes da música Alternativa no Norte da Península, nun marco incomparable como o é o corazón da vila medieval de Ribadavia.

O festival celebrarase o sábado día 3 de Setembro de 2016 desde as 12:00 ata as 23:00h, no conxunto histórico de Ribadavia en dous escearios diferenciados, polos que pasarán 9 bandas e nos que ademais teremos unha zona de mercado alternativo (Fanzines, comics, roupa..) e gastronomía (pulpo, Hamburguesas de terneira galega e outros productos típicos da zona). Como novidade este ano ofrecemos un terceiro palco na rúa principal de Ribadavia (Rúa Progreso) a partir das 23:00, en colaboración coa empresa Ourensana Doppler e o colectivo da mesma localidade, Cao Can onde poderemos ver a outros 2 artistas (Pálida e Mounqup). A outra novidade de este ano son as festas post festival (“DespoisParty”) en diferentes pubs de Ribadavia, con Dj´s de música alternativa (Dj Tito que pinchará discos de vinilo dos 70,80 e 90 no Pub “Aljama” e Dj Chago e Abelo Valis que asegurarán festaza no bar “Meu”) ata altas horas da noite:

horaios art

Este ano ademáis colaboramos coa Cruz Vermella do Ribeiro nunha recollida de Alimentos que faremos no propio recinto o día do festival e poremos autobuses a disposición dos asitentes que veñan desde Ourense, Vigo ou Santiago que se poden reservar ata o día 31 de agosto no mail info@ukp.com.

Toda a información sobre horarios e buses :

BUS

cruz roja art

 

 

 

 

 

 

 

 

 

 

 

 

 

 

 

 

O Festival  conta entre os seus patrocinadores e colaboradores oficias co apoio de San Miguel, Gran Reboreda Morgadio, Bodegas Lodeiros, Deputación de Ourense, Concello de Ribadavia e como medio oficial La Región

As bandas confirmadas nesta edición son:

EMILIO JOSÉ

¿Xenio ou pirado? Para min, xenio, xenio, xenio. Tras escoitar atentamente todo “Agricultura Livre” (xuroo), segundo traballo en solitario de Emilio José (de Apeiron), afirmar outra cousa sería unha parvada. Nada menos que un disco triple cheo de cancions, inesgotable banquete de métodos e estilos (Brasil, jazz, pop electrónico, indie, rock progresivo, post-rock, verbena, experimental, folk, hip hop…) difícil de dixerir nunha soa tarde, onde non reina precisamente o caos, que tamén é benvido, se non a melodía, a improvisación, os mellores arranxos e unha imprescindible autosatisfacción.

Pode ca voz do proteico artista do norte sexa a cotío a do canto do galo, pero é a súa, intransferible, natural, indescifrable se non es de Quins (Ourense). Pero se algo caracteriza a Emilio José é a súa acentuada personalidade, libérrima, excéntrica, pantagruélica, desinhibida, romántica. Quizais nun futuro se lle recoñeza coma un dos grandes do pop nacional galego “de sempre”. ¿Ou toca facelo agora? ¡Pois claro! Xenial, Xenial, Xenial.

http://www.spanishbombs.com/es/ficha-artista/ficha_artista.php?id=27

SEQUIN

Sequin é o proxecto en solitario de Ana Miró. O proxecto naceu nos comezos de 2013, dándose a coñecer en Maio, co lanzamento de “Beijing”, tema que inundou as radios portuguesas.

As suas músicas lévannos a unha especie de orientalidade electro pop, embalada pola súa voz doce e envolvente, polos ritmos quentes e polos ambientes antagónicos que vai creando, nunha mestura de festa e nostalxia.

Pasou por varios festivais portugueses, como o Milhões de Festa, Vodafone Mexefest, Vodafone Paredes de Coura, NOS Alive, Bons Sons, Boiler Room Redbull Lisboa.

O seu primeiro álbum, producido por Moullinex, foi lanzado en Abril de 2014 pola editora Lovers & Lollypops.

En Novembro de 2014 foi nomeada para o prémio Artista Revelação 2014, nos “Portugal

Festival Awards” e recibiu o prémio “Artista Revelación Europea 2014”, dos Premios PopEye.

En Febreiro de 2016 lanza o seu segundo traballo, desta vez un EP titulado “Eden”, producido por Filipe Paes, un traballo mais intimista e melancólico que recua ata a xénese deste seu proxecto en solitario.

José Manuel Caturla – Rockdelux

http://store.loversandlollypops.net/album/eden

RICK&VERA

As boas cancións compñoñense dende abaixo, cantando coa acústica e acompañando coa contundencia da percusión máis primitiva. E se a eso lle engades o bo gusto, moita enerxía e actitude punk, quén necesita máis?

Rick&Vera son un dúo madrileño que recén chegados aos 20 explotan ao máximo as posibilidades do formato de a dous, cabalgando o rock en tódalas súas vertentes sen esquecer as súas raíces blues e folk. A súa actitude en directo sorprende pola enerxía e por como sacan o máximo partido aos seus instrumentos, dedicando o tempo que cada composición merece para conseguir os mellores arranxos para os mellores temas.

Activos dende finais de 2013, editaron o seu primeiro EP homónimo a finais de 2015.

http://www.holycuervo.com/bandas/rickvera/

SURMA

Artista Portuguesa (Leiria), compositora e multinstrumentista, que ven de tocar en festivais como o Super bock Super Rock ou o Lisb-On e Millhoes de Festa, e que ascende coma un fusil dentro do mellor do panorama da música electrónica experimental actual. O ascenso de Surma, Débora Umbelino no carné de identidade, ten sido meteórica e por iso era unha convidada obrigatoria para actuar no Festival Arteficial.

Artista introspetiva mais suxeita en todos os instrumentos que utiliza para expresarse da forma máis emblemática posible, aínda que esteamos a falar de música minimalista trancada por unha chave que só Surma posúe: Os sintetizadores misteriosos serven de compás neste acordar pos-coma que nos deixa atordoados polas cordas e polos bpm impostos polo seu drum machine que seguen cada heartbeat máis expetante, irrequieto e inseguro tras entrarmos neste daydream… Os vocais etéreos e impercetbleis impídennos recordar este soño, a medida que nos afundimos cada vez máis en Maasai sen un billete de retorno… Os compresores xeados hipnotizan e entre cada oscilación fanos querer volver a repetir toda esta viaxe nun loop que torna viciante e a seu tempo terebrante.

Surma é unha pedra rara pero non é a única, non entanto a profundidade, intimidade e nerviosismo enerxético que suxire no seu son, o dramatismo e teatralidade por tras da súa voz e a simplicidade que funde ambos tórna nunha das xoias máis prometedoras da escena desde Sequin.

http://omnichordrecords.com/en/artists-2/surma-15/

THEE BLIND CROWS

Dúo galego nado hai 9 anos do cruce de camiños entre o blues e o punk. Un son crú e frenético que fai vibrar ate a extenuación. Unha viaxe entre Mississippi e Detroit a través dos sons máis primitivos e pantanosos.

Back from the cave é o seu derradeiro traballo realizado no 2016, unha grabación sen colorantes nin conservantes, o son máis puro e potente dos Crows en todo este tempo. Gravado en 4 horas en cinta analóxica, nesta nova entrega atoparás un cocktail composto de punk, surf, garaje e psychobilly.

En todo este tempo teñen comapartido scenario con bandas como Sex Museum, Lost Acapulco, The Parkinsons, Arizona, Baby, Los Tiki Phantoms, Los Explosivos, Help Me Devil, Samesugas, The Soul Jacket, Triángulo de amor bizarro, Niño y Pistola,…

http://letshow.es/thee-blind-crows/

BALA

Anxela Baltar e Violeta Mosquera non andan con bromas. O seu é levar ao límite as ferramentas que teñen entre as máns –guitarra, amplificador, batería e voces-. Dun lado unha das antiguas Calixta e outras formacións históricas da Galicia subterránea, ao outro –Draa, MLK, Salvation Army- , Anxela e Violeta foron adestradas a conciencia no circuito underground galego e estatal, onde cada vez son mais seguidas e recoñecidas.

Partindo do eixo Seattle 90`s e viaxando cara o doom de Melvins e Pentagram, posando polo stoner rock, ben na súa concepción orixinal –Kyuss- ben pola moderna de hard rock –Red Fang- Bala exploran e innovan en todolos e cada un destes estilos, arrollando pero deixando unha marxe para a expresión da súa mensaxe.

Human Flesh é o seu disco debut. Nos seus sete cortes amosan unha paleta de cores de stoner e hard rock. Pertencen ao coletivo Metamovida.

http://matapadre.bigcartel.com/artist/bala

GUERRERA

Nada é pequeño en Guerrera. Enormes músicos vidos dalgunhas das formacións con máis peso na historia do underground galego e estatal -Ictus, Holywater, Cuzo, Cró!. Dissapointment- que se xuntaron para formar este proxeto non podían crear algo sen trascendencia.

No 2013 autoeditaron o seu disco debut, Under the Gypsi Sun, co que se convertiron na next big thing galega. Un tratado de stoner, psicodelia, blues e rock clásico. Non era ninguna tontería pensar ca súa proposta medraría e non erramos. Manua Loa, o seu segundo traballo, é o volcán máis grande do mundo.

Guerrera teñen medrado e o fixeron ao longo e ancho, con infinitas capas de música tamen reflexadas no artwork deste segundo traballo.

Actualmente están a traballar na grabación do seu terceiro disco que agardamos podamos escoitar no festival. Pertencen ao coletivo Metamovida.

http://matapadre.bigcartel.com/artist/guerrera

IGMIG

Shaishakarraskaishe é o grito desesperado da pandeireta, a chamada á festa, á foliada, á bacanal. Igmig é un trío musical que condensa a práctica heteroxénea dos seus compoñentes para realizar unha música ecléctica, fresca e totalmente inclasificable.

Formado por Mig Seoane (voz e guitarra), Nacho Muñoz (voz e teclados) e Suso Feixón (batería), tres músicos de longa traxectoria en varios estilos musicais, que se unen nunha proposta que combina postpunk, funk, rock progresivo, electro, techno… aínda que tamén introducen elementos da música clásica do sXX coma o serialismo e a improvisación. As letras lembran o dadaísmo e utilizan a prosodia da voz coma elemento compositivo.

A posta en escea é moi teatral e tremendamente eufórica. O seu directo é toda unha experiencia musical rebosante de enerxía, onde se fusionan todo tipo de estilos musicais, divertidas performances e grandes dosis de interacción co público. Pertencen ao coletivo Metamovida.

http://www.metamovida.org/index.php?option=com_content&view=article&id=145&Itemid=263

FOGBOUND

Sumerxidos no son británico de finais dos 60’s, Fogbound elaboraron, na súa curta traxectoria, a súa propia máxia de psicodelia e freakbeat para o século XXI. Estes alquimistas do son, son devotos da época Barret de Pink Floyd, así como de grupos máis subterráneos como The Attack, Les Fleur De Lys o Plastic Penny.

Fogbound non teñen deixado indeferente a ninguen dende a súa primeria dema a comezos do 2013, ano no que gañaron a batalla de bandas Euroyeyé. Dende ese momento todo mudou e comezaron a tomarse as cousas máis en serio ate acadar a estabilidade que teñen agora.

Os seus dous primeiros singles están esgotados e son obxeto de coleccionismo. Actualmente presentan o seu tercer 7”: Lazy Lad e Strange House, unha cover da súa canción fetiche de The Attack. Despois dunha intensa xira por Italia, compartir escenario na Coruña con Bronco Brullfrog e formar parte do primeiro Barcelona Psych Fest, atópanse traballando no seu primeira longa duración.

http://thejohncolbysect.com/bandas/fogbound/

PÁLIDA

O crecente interese do músico vigués Nelo –Durarará!!, Orquesta Metamovida- pola música electrónica lévalle, a finais do 2013 a crear Pália, un proxecto coa particularidade de estar orientado ao directo, traballando sempre con hardware e producindo música en vivo. Proxecto hiperactivo, o productor é ben coñecido polo seu estajanovista ritmo de trabajo,  o cal permite observar ao longo da súa discografía unha imparable evolución tanto en forma coma en fondo.

Ao tempo a súa popularidade vai medrando, sendo chamado a filas para aplicar as súas pálidas artes e pechar actuacións en festivais coma o Osa do Mar -2015- No tengo Mamá -2015- WOS inc -2015- Ó! Festival -2015- Esmorga Fest -2016- ou o Melona Fest -2016-.

De resultas quedan unha serie de actuacións cada vez máis memorables, sempre diferentes, cun público entregado ao son dos seus siderales himnos de baile.

http://www.metamovida.org/index.php?option=com_content&view=article&id=125&Itemid=256

MOUNQUP

Proxecto en solitario da Francesa afincada nunha aldea de Ourense onde vive e compón Camille, que é un deses pequenos grandes secretos que se atopan por casualidade no actual panorama musical, unha grata sorpresa en forma de melodías suxestivas, coros anxelicais e un agradable encontro coa electrónica máis experimental e moderna. “O exotismo é o cruzamento de culturas feita música”.

https://soundcloud.com/mounqup

cartel arteficial


A asociación Arteficial presenta o “X aniversario” do seu Festival en diferentes localizacións Galegas. Nesta primeira presentación na sala El Pueblo da cidade de Ourense ás 22h., contará coas actuacións da banda francesa Brain Pyramid e a banda catalana Cuzo.


O X Arteficial contará neste décimo aniversario con varias actividades ao longo de todo ano e as confirmacións das primeiras bandas iranse desvelando a través das redes sociais nas próximas semanas co #ArteficialX.


O X Festival Arteficial repetirá o seu formato de festival alternativo diurno e levarase a cabo o sábado día 3 de Setembro de 2016 desde as 12 ata as 23 horas, noconxunto histórico de Ribadavia en dous escenarios diferenciados, polos que pasarán 8 bandas e nos que ademais haberá unha zona de mercado alternativo e gastronomía.

As próximas presentacións do festival faranse en Ribadavia no mes de xuño e en Vigo no mes de xullo.

CUZO
O power trio barcelonés Cuzo, con cinco discos editados, é unha viaxe ao tempo co seu rock instrumental e a psicodelia como compañeiros nunha inmersión ao rock setenteiro e ás melodías eléctricas. Cuzo contaxia a súa paixón por uns referentes musicais bastante máis diversos do que podería parecer a primeira vista. Unha descrición superficial da súa música reduciríaos a hard rock psicodélico, pero iso sería quedar moi curtos porque os membros de Cuzo comeron cogomelos que creceron nos máis insospeitados verxeis.
O trio formado por Jaime Pantaleón (guitarras, teclados), Fermín Manchado (baixo) e Pep Carabante (batería) a través dos seus discos e os seus directos realiza verdadeiras viaxes musicais que nos masaxean os sentidos e fainos saír voando cara ao sol.
https://vimeo.com/102467166
https://bcoredisc.bandcamp.com/album/son-imaginacions-teves

BRAIN PYRAMID
Brain Pyramid formouse en novembro de 2012, en Rennes (Bretaña-Francia). Esta é a iniciativa do guitarrista real «Gastón Lainé» e o batería «Baptiste Gautier-Lorenzo».
Influenciados non só polo rock and roll de idade doce (Led Zeppelin, Hendrix, Sabbath, Motörhead, Blue Cheer, etc.) senón tamén, polo stoner rock e pola psicodelia da escena actual (Kyuss, Sleep, Nebula, Earthless, Orange Goblin, etc.), decidiron crear unha banda para tocar como estes mestres. Despois do lanzamento do seu primeiro EP «Magic Carpet Ride», o ex baixista deixou o seu lugar a «Ronan Grall», o líder da banda francesa de Doom «Huata». A banda grava o seu primeiro LP chamado «Chasma Hideout» e libérano no Acid Cosmonaut Records. Despois da xira europea de 2014, a banda procede a outro cambio de formación, para recibir a un novo baixista: «Paul Arends».
Brain Pyramid é unha banda de Heavy Bluesy Stoner Psicodeliad rock and roll. Tocan o suficientemente alto como para que te sentas como un sopro dunha dose de LSD.
http://brainpyramid.bandcamp.com/

 

FacebookTwitterGoogle+EmailCompartir